Lights Off!

Daang taon ang aking inantay
sa paghanap ng iyong distritong tinahak
Pag alay sa bukas na tila nagalala sa paglalakbay
Kulang pa ba ang pangakong sa dugo ay sinulat
Nanalig sa bukas na dapat tayo'y magkapiling na.

Isa lang ang laman ng isip sa pag tuklas ng iyong nais
susuyurin ko ang buong mundo sa pagnanais na ika'y makita
malaman ang sa puso't diwa mo'y pagasa ang dala

Na sa piling mo langit sa iyong kanlungan
paalam na sa pagwari'y walang taning ang pagibig mo sa akin
bulag man o bingi sa katotohanan
hindi ako hihingi ng patawad
tangis ko ang luha
buhat ko ang iyong pangarap
akap sa aking mga kamay

Magkulang man ang pananalig sa akin
Tila walang humpay kitang iibigin
wag kang bibitaw sa pagasang muli
At kahit ika'y maglaon sa ibang lugar
Ako'y magaantay

"Asahan mong mula ngayon pagibig ko'y sa iyo"

Sunduin mo ako sa aking paguwi
salubuingin sa katapusan ng aking paghihintay.